بالی ووڈ کے چاکلیٹی ہیرو رنبیر کپور نے دبنگ اداکار سلمان خان کے نقش قدم پر چلتے ہوئے بیان دیا ہے کہ اگر ان کی فلم ’’جگاجاسوس‘‘ باکس آفس پرکامیابی حاصل نہ کرسکی تو وہ بھی فلم ڈسٹری بیوٹرز اورسینما مالکان کو نقصان کے ازالے کے طور پر رقم ادا کریں گے۔

اداکاررنبیرکپوراورکترینہ کیف کی آج ریلیز ہونے والی فلم ’’جگاجاسوس‘‘ سے ہدایت کارسمیت پروڈیوسرزاوراداکاروں کو بھی بہت امیدیں وابستہ ہیں تاہم رنبیر کپورکا کہنا ہے کہ اگران کی فلم باکس آفس پر دھوم مچانے میں ناکام رہی تو وہ سینما مالکان اور فلم ڈسٹری بیوٹرزکا نقصان پورا کرنے کیلئے اپنی جیب سے پیسے ادا کریں گے۔