اترپردیش: بھارت میں شادی پر دُلہن نے اسٹیج پر دولہے کے ساتھ ہی بیٹھے ہوائی فائرنگ کی جس پر پولیس نے تحقیقات کا آغاز شروع کردیا ہے۔
بھارتی میڈیا کے مطابق بھارتی ریاست اتر پردیش میں دلہن کی اپنی شادی میں ریوالور سے فائرنگ کرنے کی ویڈیو نے مقامی پولیس کی جانب سے تحقیقات کا آغاز کردیا ہے۔ واقعہ بھارت کے دارالحکومت نئی دہلی سے 200 کلومیٹر دور ہتھراس شہر میں پیش آیا۔ویڈیو میں ایک شخص سٹیج پر دولہے کے ساتھ بیٹھی دلہن کو ریوالور دیتا ہے اور عورت یکے بعد دیگرے کئی راؤنڈز فائر کرنے کے بعد پستول برابر میں کھڑے مرد کو واپس کردیتی ہے۔
یہ واقعہ ‘جیامالا’ رسم کے بعد پیش آیا، جہاں جوڑے نے ایک دوسرے کو ہار پہنائے اور مہمانوں سے آشرباد حاصل کیا۔ ایک آدمی جو دلہن کے خاندان سے تھا اسٹیج پر چڑھ گیا اور خاتون کو پستول دیا جس پر خاتون نے 4 ہوائی فائر کیے۔
مقامی پولیس نے اس واقعہ پر مقدمہ درج کر لیا ہے اور دلہن کو تلاش کر رہی ہے جو مبینہ طور پر فرار ہے۔ پستول دینے والے شخص کی شناخت ابھی تک نہیں ہو سکی ہے۔
